Solenzara

Quandu pensu à solenzara
Ch'aghju lasciatu quallà
Una nostalgia amara
Cum'un sonu di ghitarra
U core face trimà

Rivegu li pescadori
Riturnendu da piscà
C'hè centumila culori
Da fà scimì li pittori
Chi nùn li ponu fissà

A solenzara
O! Chi dolce felicità
A solenzara
Più bè ùn si pò stà

E l'alba misteriosa
Quand'ella si dev'alzà
Tantu bella è luminosa
Chi mi pare una sposa
Tuttu face luccicà

E la stella matuttina
Sempre mi vole aspettà
Quand'à mio vela latina
Cum'un acula marina
Nant’u mare si ne và

Una barca nantu à rena
Chi nùn pò più navigà
M'ha cunfidatu a so pena
D'un pudè rompe a catena
Per andà in altu mar'

Ma quandu soffia a timpesta
Pronta à tuttu sprufundà
Per a vecchja barca hè festa
Hè finita la so siesta
Li pare di navigà