notícias musicais

top 13 artistas

top 13 musicas

Confira a Letra Pfiat di, Bauer

Bluatschink

Pfiat di, Bauer

Pfiat di, Bauer! Pfiat di Gott
Und du sahsch, du håsch Ångscht
weil du woasch, du muasch geah
Pfiat di, Bauer! Pfiat di Gott
Und du kånnsch dia gånz Walt it v'rsteah

So viela Wiesa gmaht, und so viel Ha getraht
So viele Seggaza g'wetzt
So oft des Viech ausglåt, gluagt, daß es ålls håt
So viela Zauseila g'setzt

So oft in Himml g'luagt, g'luagt, wås as Wetter tuat
So oft håsch's dunnara g'heart
Heind ruafsch da Metzger o, frågsch, wås er zåhla ko
Wia er's Viech kholt håt, håsch g'reart

Friah'r wår's Leba gånz g'wiß o koa Sega
åb'r glångt håt's hålt ålba no gåd
Manchsmål an schmåla Tisch, doch stolz, daß a Bauer bisch
wårsch dir für koa Åbeit z'schåd

Heind håt ma Gäscht, zum Verdiena des Bescht
a Pension houba iatz deina Kind
Es tuat d'r zwår weah, doch du muasch wohl v'rsteah
daß den Hof iatz hålt koas übernimmt

Dia wo di beråta, vo dehna fühlsch di v'rråta
verschteahsch nix vo Milchpreispolitik
Åb'r ålls tatsch geba, kanntasch wieder frei leba
und miaßtasch iatz it i'd Fabrik

Und des heachscht auf der Walt wår des oagene Fald
jed's Stuck Viech håsch bei seim Nåma g'nennt
Auf der Ålm gåjuzga und gåsungt, des isch lång scho v'rklungt
doch du hearsch es no heind, und es brennt

Tracker