Rohechaga'úgui

Yvoty ryakuãre ko che mborayhu
Péina ajokuái nerendapeve
Oipo'óvo chéve pe ne kunu'û
Tapytu'umi amano mboyve

E-pensá porãna, che kamba juky
Anivéna péicha la che quebrantá
Hetaitereíma aiko amyakỹ
Causa ne ñaña ko che akãngyta

Ndaikatumo'ãi ko techaga'u
Chehegui ojei ãgaite peve
Ejumijeýna chemokunu'û
Péina ñande róga iporãiteve

Ka'arupytû ku jasy rendýpe
Ñaiméne torýpe, topa ñemyrõ
Ha ipiro'ysãva yvytu kangýpe
Ojahúne upérõ ñane korasõ

Upégui jaháne kyha inimbópe
Ñañemyatimói vy'águi rei
Ha cheresapévo nde resa jajáipe
Nde rova yképe rohetû avei

Pukavyreípe ñapu'ãne upégui
Kueheve guaréicha, che kamba juky
Aipytejeývo nde juru mbytégui
He'ê asyetéva ne rembe ysapy