notícias musicais

top 13 artistas

top 13 musicas

Confira a Letra Màiri Bhàn Dhail An Eas

Mary Jane Lamond

Màiri Bhàn Dhail An Eas

S' mithich dhòmhsa tòiseachadh
Is m' òran chur an céill
Gur fhada bhon bu chòir dha
Bhi ann an òrdugh réidh
Tha m' inntinnsa cho luaineach
Ri gaoith tuath air bhàrr nan geug
Ma s' e gum pòs a' ghruagach
Tha shuas ann an Gleann Éit'

Gur bòidheach leam a dh'fhàs thu
Bho d' bhàrr gu sàil do bhuinn
Chan eil cron ri àireamh ort
'S tu bean an nàduir grinn
Nar mhealamsa mo shlàinte
Mur b' fheàrr leam na bhi 'm rìgh
Cead bhi laidhe làimh riut
Mo làmh fo' d' mhuineal màn

Gur lìonmhor mais ri' h-aithris
Air an ainnir is math snuadh
Do shlios geal mar an caineal
No mar eala nan tonn uain'
Shiubhail mi bho 'n Apuinn
A mach gu Uisge Chluaidh
'S bean t' aogais anns an astar sin
Cha'n fhaca mis', a luaidh

Tha falt bachlach bòidheach ort
Air dhath an òir 'na dhuail
Gur fiamhach sgiamhach, òrbhuidh e
'An òrdugh ann an cuaich
Bha m' inntinnsa làn sòlais
'Nuair bha mi chòmhnuidh shuas
'S a nise bho 'n a dh'fhàg mi e
Chan eil mo thàmh ach truagh

Tha nìonagan an àite seo
Ri tàir orm gu mòr
G'un d' thuirt iad rium am bachelor
'S gu bheil mi sean gu leòir
Ach cha b' i 'n aois a liath
Mo chiabhagan cho mòr
Ach sìoban na tonn dubh ghorm
A' tighinn bho chùl nan seòl

Gur lìonmhor anns an àite seo
Mo nàimhdean bho chionn greis
A chionn gu'n d' thug mi gràdh
Dh'an nighean bhàin tha' n Dail-an Eas
Tha fleasgaich anns an àite seo
'S gum b' fheàrr leo gun robh mis'
'An iomall domhain fad air falbh
Gun earbsa ri tighinn às

Ged a bhithinn fad air falbh
Bhiodh m' earbsa ri tighinn as
A shealltainn air mo ghràdh
An nigh'nn bhàn a's àillidh dreach
Chan eil e anns an àl seo
No 's an àl a thig am dhéigh
Bean do mhais' a Mhàiri
'S tu a's àille tha fo 'n ghréin

'S ìseal a thuit m' inntinnsa
Cha dìrich i ri m' bheò
A chaoidh cha dean mi innseadh
An nì sin tha 'gam leòn
Gus an téid mo thiodhlaiceadh
'An cistidh dhìonaich bhòrd
Cha tréig mi gaol na h-ìghneige
Dh'fhàg m' inntinn trom fo leòn

Tracker