Cabo Verde 2000 (part. Voz de Cabo Verde)

Nos vida ta kemá un naviu sen rume y sen distine
Vida di kriole é navegá n'ese mar sen fin
N viajá sen rume, N viajá ruin
N viajá sen grasa y sen un ligria de navegador

Nos vida foi senpre asin n'ese mar sô di amargura
Un vida na balansa sen kontrapeze é un kriatura
Pezá-l un dia, pezá-l mansin, dá-l se ligria
Lenbrá de kemá el é sofredor

Ó, munde, si algun dia bo muda de rume
Mudá-l konsiénsia, mudá-l justisa
Troká de naviu, ma tanbê tripulason
Troká-l ke konsiénsia, troká-l ke razon

Si vivê é un misãu, si vivê é kunprí distine
Já-l kunprí de-seu, góra faltá-l é sô morrê
Já-l krê txorá, já-l krê sô gritá
Gritá ke tude forsa, gritá ke tude se sofrimente
Es munde é un munde ingróte
Munde triste, ó ke monte de maldade
Un munde de fulia, un munde de tristéza y sen ligria
Un munde sen pas, un munde sô de tormente
Es munde de agóra ka konxê un sentimente

Ó sol sob Kabeverde, sol d’óne 2000
Lenbrá de nha térra, lenbrá de se jente
Spalhá bos raies, ma spalhá-s ke más aligria
Spalhá-s ke sertéza, má pa tude jente