Fisher Row

As I cam in by Fisher Row Musselburgh lay near me
I threw aff my mussel pyock and coorted wie my dearie
Up stairs doon stairs timmer stairs fear me
I thocht it lang tae lie my lane when I'm sae near ma dearie

Hud yer apron biddin doon the kirk would ne'er hae kent it
Word cam ricklin through the toon alas I canna mend it
Up stairs doon stair timmer stairs fear me
I thocht it lang tae lie my lane when I'm sae near ma dearie

Ye maun maunt the cutty stool and I maun maunt the pillar
That's the way the puir folks dae because the' haw nae sillar
Up stairs doon stairs timmer stairs fear me
I thocht it lang tae lie my lane when I'm sae near ma dearie