Machúpe g̃uarã

Kuñami okaraguáva tesaráipeanga oikóva
Ko'êtîndie opu'ãva tembiaporãre ipojái
Karia'y mba'apohára apytérupi oikóva
Ha machúpe ojeheróva, ndéve oho che purahéi

Péina ág̃a apoi, kuñami, nde reraitépe
Che ñe'ê yvoty meméva yvoty renonderã
Hi'ãitégui upe aha mamo puesto reimehápe
Vy'a'ỹ nemyangekóiva ne ñe'ãgui tojora

Sapy'ánte ahasakuévo ag̃uahêne reimehápe
Rehokuévo ku korápe romomaiteihag̃ua
Ha upégui tahecha rejerérõ torypápe
Estanciagua renondépe remyasãi tembi'urã

Ndéko hína, che reindy, kuñami joheipyréva
Nderehae imbaretéva estanciagua rekove
Upévare hi'ãite oikuaa mayma oiméva
Mba'épa ko evaléva, machu, ndéveko ha'e