Ñesûhápe, che symi

Ñesûhápe ag̃uahê
Ne tapỹi pepomi guýpe
Aipotágui cherendu
Nde keguýpe, che symi

Upehárente ahai
Ñe'êmi ndéve g̃uaránte
Ko nde ára amomorãvo
Nerendápe ajumi

Chéko hína ne memby
Nde ruguy oguerekóva
Torypápe ag̃uahêva
Maitei ndéve ame'ê

Ko'êtî péina og̃uahê
Epu'ã torohecha
Cherendumi sapy'a
Kuñami cheapohare

Che symi resa rovy
Tupãsýicha neporãva
Purahéipe roañuãvo
Aipota cherovasa

Vy'apópeke ehasa
Ko diecisiete de marzo
Ne membykuéra mimíndie
Oúva ndesaludá

Ahakuévo, che symi
Ne rokême ahejáta
Mborayhu potî sakãva
Herupy ndéve g̃uarã

Che sy Rómula ñe'ê
Upekuévo araháta
Katui che korasõme
Purahéipe oikohag̃ua

Ahakuévo, che symi
Ne rokême ahejáta
Mborayhu potî sakãva
Herupy ndéve g̃uarã

Che sy Rómula ñe'ê
Upekuévo araháta
Katui che korasõme
Purahéipe oikohag̃ua