Ajépa iformal ko ñande joayhu

Chéko aponderá hendápe porãnte
Jepe enamorado kóicha añeñandu
Imbovýko hína ko ñandéicha oikóva
Orekóa ko historia ñane mborayhu

Peichagua rekávoko hetáma aikóva
Oñenamoráva ñe'ê che ahendu
Oñeponderáko ko suerte arekóva
Si a más día iformal ko ñande joayhu

Los primeros tiempos ya ohasapáma
Segundo, tercero, péicha amombe'u
Oñe'êreíva okirirîmbáma
Ipotî asýngo ko ñande joayhu

Ág̃a con el tiémpoma amo jahecháne
Pe py'aguapy mba'épa ogueru
Ha upévo ñande siémprente ja'éne
Ajépa iformal ko ñande joayhu