Che lucero ñemimby

Ipohyiva mborayhu, che moguahê ne rendape
Mbeguemi ha'evo ndeve, ndenteha che Tupã Sy
Aipota che perdona, ajuhare mbarakape
Amombe'u rohayhuha, che lucero ñemimby

Aipotante reikuaá, ko yvý ári che ahasáva
Rohayhúgui avé ikatú, tuichaité ajepy'apý
Nde rehé che akā vaigui, asê hape rohechava
Ha che Képe che renóiva, che lucero ñemimby

Michymi che mbovy'avo, nde jurú gui aha'arõ va
Rohayhú he'ivo cheve, ne rembé rosa potý
Esperanza nahavêiva, ha upeharente arekóva
Sapy'ante che rayhú vo, che lucero ñemimby

Nandea'eigui che rehe, che Ko'ãicha anga aikóva
Ku mitã tyre'y micha, nde rehé ama'ê asý
Rohayhú ha'erõ ndeve, yvytú pe remombóva
Reroviá gui otro he'iva, che lucero ñemimby

Upeháre che ko'ãicha, purahéinte ajapóne
Ndeve añónte ahendukávo, che py'a remimbyasý
Oguahê pevé che ára, mbaraká rehe aikóne
Ne royrõ apurahéivo, che lucero ñemimby

Che ko aikóne jepiguáicha, ajerevo nde rehénte
Yvotý re ojeré háicha, hový miva mainumbý
Nde pyporé ta seguí, ne ãngué che renondé pe
Mombyrý jepe rehó vo, che lucero ñemimby

Marãve voi ndoikói, oguahê vaerã ku ára
Hekoviavo ndeve ãva, nde vy'a py'a rory
Mbegueve ku tesaý pe, ne nupâ ne Ñande Jara
Ne ñañáre chendive, che lucero ñemimby

Ahechama anga esperanza, mamové guio ndarekói
Upévare apensá ma, ku ahavo mombyrý
Jahechapa pe nde réra, ko che akã gui ndoje'oi
Ndehegui añembyesarái vo, che lucero ñemimby