Ne Ñaña, Panambi

Peteî pyharevépe resênguévo ka'aguýgui
Che resa renondetégui resêva'ekue reveve
Nde rérape anohê ko che ánga ruguaitégui
Ne ñañaha ha'eségui purahéipe amoñe'ê

Umi yvoty maymáva ndéve añónte oñakãitýva
Chéicha avei nde rayhúva oipotágui reguahê
Ha nde reiko reveve ñaimo'ã nde resaitéva
Reipotágui he'êvéva yvoty eíra he'ê

Ñembyasýpeanga aiko nderehe che amaña
Hi'ãnte rojagarrá ha che pópe romoî
Che korasõgui tojei ipohýiva angata
Anive che quebrantá upéicha, panambi

Yvytúndie vy'apópe reikóva nde saraki
Reho remomaitei iporãvéva yvoty
Ha che ko che resay che reságui oñani
Ndaikatúi akirirî apytágui tyre'ỹ

Águi aikóta aheka yvytúre che irûrã
Tove tachereraha mombyerete ndehegui
Anive chembosufrí, panambi pepo para
Ha'eta ndéve ipaha: ¡Adiós, adiós, panambi!