Ynambu Tataupa

Guyrami marangatu
Ne ñe'ê che py'apýva
¿Rerekópa rembyasýva
Ajeve ãicha reiko?
Ne añomi rejahe'o
Mombyry pe ñanandýre
Cheichaite ku irû'yre
Nde pytu oso oso

Ne rendápente hi'ã
Aguahê romokunu'ûvo
Mbeguemi rohavi'ûvo
Tokuera ne mba'asy
Ne ñe'ã taipiro'y
Tereiko angapyhýpe
Ha he'êva mborayhúpe
Ne ánga toiko jey

Che aveíko nde jave
Cheko'êva ake'ỹre
Aretéma ipore'ỹre
Ahayhúva che yvoty
Angatáko rembyaty
Cherehe upe ne ñe'ême
¿Araka'épa oguahêne
Ñandeve angapyhy?

Guyrami marangatu
Ne ñe'ê che py'apýva
¿Rerekópa rembyasýva
Ajeve ãicha reiko?
Ne añomi rejahe'o
Mombyry pe ñanandýre
Cheichaite ku irû'yre
Nde pytu oso oso

Ne rendápente hi'ã
Aguahê romokunu'ûvo
Mbeguemi rohavi'ûvo
Tokuera ne mba'asy
Ne ñe'ã taipiro'y
Tereiko angapyhýpe
Ha he'êva mborayhúpe
Ne ánga toiko jey

Che aveíko nde jave
Cheko'êva ake'ỹre
Aretéma ipore'ỹre
Ahayhúva che yvoty
Angatáko rembyaty
Cherehe upe ne ñe'ême
¿Araka'épa oguahêne
Ñandeve angapyhy?
¿Araka'épa oguahêne
Ñandeve angapyhy?