Tao

Xintadu é um manera de caminha
Odja um mae cego ta da luz
Na parto de si cria
É de duedjo na tchom
Ki nu ta pidi um lugar na céu
Céu gó ki ta bado
Só dipos di stadu baxo tchom

Tudo matcho Principio ta gera fêmea
Babosa ta da flor doci
Luz ta naci na sucuru
Soma de impar ta da par
Futuro ca tem future
Baxu é sempre pa baxu
Mesmo ki bu bira cabeça baxu

Às vez mariadu é pa compu dretu
Ka tem nada é pa ka perde tudo