Ilizyon

Perfect records
Veysigz on the beat

Nou tout reve vole, reve touche syèl
Reve pouse zèl reve pou n se sèl
Bout ki dekole kite kolè n de kote e
De kò n detache lespri n dekòde l pa dekone (ouais)

Nou vle lib pou n lib, men mond lan anpeche n
Nan 2 je n foure dwèt, yo di se swiv poun swiv
Reziyasyon yap preche n, fè tout jan pou yo prije n
Nan lespri nou met pil chèn, prizonye plis lè w pi jèn (fuck)

Mond yo a pa reyèl, se ilizyon
Pa ere nan erè w frè se pinisyon
Pou yo tronpe n y'itilize tout teknik, san etik, clash etnik
Lè w sòt ou gen sètitid, saj yo still ret septik

Yo vle w pase prezan w ap reve fiti w
Men ret konfyan et make sure n'ap wè l
Kitem di w
Mond lan se volonte ak reprezantasyon arthur schopenhauer

Ilizyon
Ouais
Se ilizyon
Ok!

Nou tout reve grandi, touche syèl tankou mèt minwi
Men n devye, bandi, nen n bouche n bwè yo pandan kèk minit
Rèv yo trase nou n ap ranpe kou koulèv
Pou wè si n ta tante atenn yo nan lavi n pou met koulè

Vize etann zèl ou vole vè lorizon
Y ap prive w, prije w, ret nan sèk ou please
Plizyè moun ap trase lizyè w
Kòmkwa yo se mèt ou, pou w soti fò w bay tèt ou yon rezon

Kèk grenn mo ap mele nan sèvo an
Libète w pou w pale menm ap vole k on sèvolan
W ap vwayaje sou vag lavi, kadnase tout sa w ta di
K ap ase pou w ka pase avan w pase pou vagabon

Yo vle w pann tèt ou ak pwòp fil ide w
Okenn opòtinite w pap jwenn si w pa fuck diyite w
Prime kontak sou kapab
Reyalite s on mizik a 5 tan, w a rime l konsa si w kapab

Mond lan pa janm sa w wè a tande frè m
E reyalite a ap toujou diferan avèk sa w panse a
Paske nèg sa yo se itilize y ap itilize n
Nou se des pions nan echikye yo jis deplase nou lè yo vle

Donk se mete focus, se mete fòs pou goumen kont sistèm sa yo
Paske si w pa kanpe goumen sistèm nan ap bwè w
Dayè yo mete tout baryè pou anpeche w pwogrese, pou anpeche w vanse

Donk se ou menm ki pou konnen pou w kwè nan rèv ou
Pou w kwè nan tèt ou, pou konnen ki kote w prale

Perfect records